မီးမရှိတဲ့
ခပ်နွမ်းနွမ်း တဲအိုတစ်တစ်လုံးမှာ
မှိန်ဖျော့ဖျော့ ဖယောင်းတိုင်အောက်
ကာလာမဲ့ ဘောပင်တစ်ချောင်းကို
လက်ကြားမှာညှပ် ညစ်ထေးထေး
စာရွက်တစ်ရွက်မှာ စည်းချက်မဲ့
ပေါက်ဖွားနေတဲ့ စကားလုံးတွေကို
ကာရံ ညီညီရေးချနိုင်ဖို့
ထိုင်နေမိတယ်...။
နာရီလက်တံတွေ မရပ်မနား
ခရီးသွားနေ ပေမယ့်
ငါ့လက်တွေက တုံ့ဆိုင်းနေတယ်..။
ငါဟာကဗျာဆရာ တစ်ယောက်မဟုတ်
အက်ကွဲနေတဲ့ နှလုံးသားထဲက
အသစ်စက်စက် ဝေဒနာတွေကို
အန်ထုတ်ဖို့ ကြိုးစားနေတဲ့
အရူးတစ်ယောက်သာဖြစ်လိမ့်မယ်..။
ငါဟာပန်ချီ ဆရာတစ်ယောက်မဟုတ်
ခြောက်သွေ့တဲ့ ကန္တာရထဲ
ရေရှာနေတဲ့ ခရီးသည်တော့ဖြစ်လိမ့်မယ်..။
ငါဟာမင်းသား တစ်ယောက်မဟုတ်
ခံစားချက်ကို ပါဆယ်ထုပ်
လူမသိအောင် ဟန်လုပ်နေရတဲ့
ပြယုဂ်တစ်ခုတော့ ဖြစ်လိမ့်မယ်..။
ဇာမဏီ ( စီဒီစီ )
0 comments:
Post a Comment